اشتريت الشقة المؤجرة لابي بعد وفاة امي ..

احنا اسرة مكونة من اب وام وبنتين وولد كنا عايشين مع بعض فى شقة ايجار قديم بالقاهرة باسم والدى ..( تاريخ تحرير العقد 73 )
اختى الكبيرة تزوجت فى حياة والدى ووالدتى وانتقلت الى شقة زوجها منذ زواجها ... وبقالها حوالى 11 سنه متزوجه
ثم توفى والدى فى مارس 2005 وطلع وصل الايجار باسم ورثة المرحوم والدى وفضلت انا واختى الوسطى ووالدتى مقيمين فى الشقة ..
ثم تزوجت اختى الوسطى وانتقلت ايضا الى شقة زوجها ( بعد وفاة والدها وفى حياة والدتها ) منذ زواجها ... وبقالها حوالى 5 سنوات متزوجه ..
و فضلت انا ووالدتى مقيمين فى الشقة الى ان توفيت والدتى فى مايو 2009..
وفضلت انا لوحدى مقيم فى الشقة حتى الان ومازال الايصال بيطلع باسم ورثة المرحوم والدى ...

فبعد وفاة والدتنا مين ليه الحق فى امتداد عقد الايجار يا ريت تشرحلى بالتفصيل لانى اشتريت الشقة تمليك وبعد ما اشتريتها اخواتى عاوزين يطعنوا فى العقد وبيقولوا انك مش المفروض تاخذ الشقة لوحدك لاننا احنا الثلاثه شركه فيها والمفروض صاحب العمارة كان ياخذ تنازل مننا الاول عن عقد الايجار قبل ما يبعها لك وانت اكيد رضيت صاحب العماره بفلوس زياده عشان يرضى يكتبلك العقد بالرغم ان هذا لم يحدث اطلاقا فايه راى حضرتك والعقد بكدا يبقى صحيح ولالا ..

وعاوزين يرفعوا دعوه على صاحب العماره لانه باع لى الشقة من غير ما ياخذ تنازل منهم عن حقهم فى عقد الايجار فما الحل فى هذه الحالة وهل الدعوة هتترفض ولا هتتقبل مع العلم بانى عامل صحة توقيع فقط على العقد ؟

ملحوظة : اخواتى كان عندهم فكره انى سوف اخذ الشقة وكانوا راضين بس ميعرفوش التوقيت لانه جه على غفلة وبعد ما عرفوا حصلت المشكلة يعنى كانوا فاكرين ان الموضوع مش بجد ... والف شكر لحضرتك وفى انتظار رد الاستاذ صلاح ...

نسيت اذكر حاجة ان احنا عندنا شقة اخرى ورث يعنى كنت بفكر ان لو فيه واحده غضبت من زوجها او اتطلقت لقدر الله تقدر تقيم فيها او تقيم عندى كما تحب ...

أولا:- القانون اعطى الحق فى امتداد عقد الايجار لأخر شخص أقام لمدة سنة كاملة مع والدتك قبل وفاتها بمعنى ان عقد الأيجار امتد لك انت فقط بعد وفاة والديك وفى حالة شرائك للشقة تمليك فهذا الشراء يعتبر صحيحا ولا يستطيع اى شخص من اخوتك ان يحتج على هذا الشراء لأنهم ليس لهم اى حق فى الشقة التى كانت مستأجرة من والدك لأن علاقتهم انقطعت بالشقة بعد زواجهم وتركهم للشقة

ثانيا :- أذا قاموا برفع اى دعوى قضائية سيخسروا دعوتهم لأنهم بدون سند قانونى لرفع الدعوى
ولكن ارجو ان تراضيهم فقط لأنهم اخوتك مهما كان بعيدا عن القضاء وعن القضايا